Overview

Class Central Tips

Өз өніміңіз немесе қызметіңіз туралы идеяңызға маркетинг жоспарын құрыңыз. Бұл курста кез келген бизнес үшін ең маңызды деуге болатын маркетинг құралын жасауды үйренесіздер. Жай ғана Маркетинг жоспарының қадамдарын үйреніп қана қоймай, әр апта қатарластарыңыз бағалайтын тапсырма орындауыңыз керек болады. Ол жоспардың қысқартылған нұсқасын жасауға көмектеседі. Тапсырма – өз өніміңіздің немесе қызметіңіздің немесе, кәсіби үлгі жасау үшін, Nissan Leaf кейсінің (қосымша оқу материалдарын қараңыз).

Рамон Диас Бернардо – 20 жылдық тәжірибесі бар профессор – сіздерді Маркетинг жоспарының төрт маңызды бөлігімен таныстырады: талдау, маркетинг стратегиясы, маркетинг-микс және күтілетін нәтижелер. Бұл сапарда ол халықаралық маркетинг компанияларының үздік мамандарынан сұхбат алады және түсініктемелер мен талқыламалар үшін қонаққа студенттерін шақырады.

Бұл тамаша және бірегей курс сізге Маркетинг жоспарының басты бөліктерін түсіндіріп қана қоймай, келешек бизнесіңіздің жол картасын жасауға және өз өніміңізді шығарудағы алғашқы қадамдарды жасауға көмектеседі.

Syllabus

Талдау

Маркетинг жоспары курсының талдау бөліміне қош келдіңіз. Сіз мұнда маркетинг саласының негіздерін үйренесіз және осынау кең сала туралы бұрын үйренгендеріңізді бекітесіз. Содан соң мақсаттар қоюды үйренесіз және жоспарыңызда қандай мақсаттар болуы керектігін білесіз. Сондай-ақ Nissan Leaf кейсімен танысасыз. Ол кейске біз курс барысында талай сілтеме жасаймыз және сіз оны апта сайынғы тапсырмаларда пайдалана аласыз.

Маркетинг стратегиясы

Курстың маркетинг стратегиясы бөліміне қош келдіңіз. Мұнда сіз брендіңізге, өніміңізге немесе қызметіңізге ең жақсы мақсатты сегментті анықтауды және соған жету үшін компанияңызды қалай "жайғастыру" керектігін үйренесіз. Сонымен қатар жаңа клиенттерді тартудың немесе барларын ұстап қалудың артықшылықтары мен кемшіліктерін түсіне бастайсыз.

Маркетинг-микстің іске асырылуы.

Маркетинг жоспарының үшінші бөлімі маркетинг-миксті іске асыру бөліміне қош келдіңіз. Бұл – әрекет кезеңі. Сіз мұнда бірінші және екінші модульдерде үйренгендеріңізді пайдаланып, маркетинг тұрғысынан уақыт пен ақшаны қайда жұмсайтыныңызды шешесіз. Маркетингтегі 4Р әдісімен танысасыз және өніміңіздің немесе қызметіңіздің бағасын дұрыс белгілеуді үйренесіз. Сондай-ақ, брендіңізге қай арна немесе арналардың жиынтығы ең дұрыс болатынын түсіне бастайсыз.

Күтілетін нәтижелер

Маркетинг жоспары курсының қорытынды бөлімі – Күтілетін нәтижелер бөліміне қош келдіңіз. Мұнда сіз маркетинг жоспарыңыздың қаншалықты табысты болғандығын бағалауға арналған көрсеткіштерді пайдаланасыз. Бұл құжат келешекте маркетинг жоспарыңызды жетістікке жетіп-жетпегендігін сынау үшін қолданылатын болады. Ең маңыздысы – сіз пайда мен шығын есебін жүргізуді үйренесіз. Ол маркетинг стратегиясының және оны іске асыру шараларының табыстылығын болжайды және түбі үкімін береді.