المشروع ده بيستهدف الناس إللي بتشتغل في الجوانب التسويقية المختلفة، إللي بنقول عليهم في منتصف الحياة المهنية، يعني مش المبتدئين في المجال ولكن إللي عندهم سنتين خبرة فأكثر، سواء في إدارة التسويق الإلكتروني أو إدارة المبيعات وتطوير الأعمال أو العلاقات العامة أو إدارة التمويل. أي حد بيحتاج يعرض شغل شركته ومنتجاتها وخدماتها قصاد عملاء أو مستثمرين أو شركاء أو رعاة أو مسؤولين حكوميين.
تمكُنك من استخدام موقع Canva هيِغنيك عن الاحتياج لمصممين في شغلك، مش هتحتاج تطلب تعديلات وتصميمات من إدارة تانية غير إدارتك أو تطلب جمايل من أصحابك المصممين، هتقدر تعمل التصميمات إللي أنت محتاجها بسهولة وبسرعة، ودي في حد ذاتها ميزة كبيرة جداً لإنك أكتر واحد هتكون فاهم انت عايز إيه بالظبط في التصميم وبالتالي هتعمله بطريقة مناسبة لشغلك و تحقق لك نتائج أفضل.
Overview
Syllabus
- ملخص المشروع
- في نهاية المشروع ده هتكون صمِّمت بنفسك عرضين تقديميين مختلفين للمبيعات. هنشتغل على العروض دي من خلال القوالب الجاهزة إللي بيوفّرها موقع Canva. خلال المهام المختلفة إللي هنقوم بيها أثناء المشروع هتكون مُتمكِّن من استخدام الموقع وهتقدر تعدِّل في الأشكال والصور والرسومات المختلفة عشان في الآخر توصل لتصميم عرض تقديمي مميز يجذب انتباه العميل المحتمل إللي بتخاطبه وكمان يجذب لك فلوسه عشان يشتري المنتج. المشروع ده مُخصص للناس اللي بتشتغل في الأقسام التجارية في الشركات، اللي عندهم خبرة سنتين فأكثر في مجالاتهم، مش مبتدئين تماما، أي حد بيشتغل في التسويق أو المبيعات أو تطوير الأعمال أو الشراكات الاستراتيجية أو الاستثمار. المشروع ده هيفيدك عن طريق إنه بيوفّر لك أداة سهلة ومُريحة جداً تقدر تعمل بيها عروض تقديمية جذابة تلفت بيها انتباه العملاء المحتملين أو حتى المستثمرين المهتمين بالانضمام للشركة الناشئة إللي أنت شغال فيها.المشروع كله مبني على استخدام موقع Canva، ده يعتبر أشهر أداة في التصميم بكل أشكاله، سواء تصميمات لمواقع التواصل الاجتماعي أو تصميم لوجو أو يُفط أو كتب أو مواقع أو حتى تصميم نماذج محاكاة للمنتجات وكمان تصميم فيديوهات. شغلنا أثناء المشروع هيكون على الموقع نفسه من خلال المُتصفح، لكن الموقع كمان ليه تطبيق جهاز الكمبيوتر الشخصي وكذلك لأجهزة الموبايل عشان تقدر تستخدمه وتعدِّل على تصميماتك من أي مكان وفي أي وقت.
Taught by
Mohamed AboElEnin Rabee
